اكثر من 140 لعبه لموبايل الصيني n82

اخواني الاعزاء نظرا لتسال الكثير عن هذا النوعية من الموبيلات التي تكاد تكن منقرضة الصيانة او المعلومات التي تخصها تكاد تكون شبه معدومة الي حد ما فا انا حبيت اعمل الموضوع ده عشان كل عضو او كل انسان محتار وعنده تساولات مش عارف ليها اي اجابات وده طبعا بعض المعلومات جمعتها من النت ومن تعاملي مع الموبيل يعني انا ليس مختصا في الموبيلات ولا لي خبره في التعامل معها ولكن هذا ما استطعت جمعه من معلومات وان شاء الله اي معلومة جديدة راح اتوصل ليها راح اكتبها في المنتدي عشان الكل يقدر يستفيد .........


اولا : معلومات سريعة عن الموبيل : -

اسم الموبيل : N82
بلد الصنع : Korea
النوع : له انواع عديدة لكن لا اعرف غير F300
الفئة : موبيل جيل ثالث
نظام التشغيل : Windows Mobile ( علي ما اعتقد وذلك بسبب ظهور لوجو الويندوز موبيل عليه عند التشغيل )
سعر الموبيل في مصر حاليا : 450 : 500 جنيه مصري

ثانيا : مواصفات الموبيل : -

شاشة لمس ابعادها 2.6 انش
بطارية بوليمر
2 سماعة ثري دي الصوت مثبته في خلف الجهاز
بلوتوث 0.2
مشغل MP3 و Mp4
2 كارت موبيل ( شريحة اتصال )
مكان لوضع شريحة ميموري MicroSD حتي 8 جيجا
2 كاميرا 1 امامية والثانية في الخلف
حجم الذاكرة الداخلي للموبيل 37 ميجا

ثالثا : مرفقات الموبيل عند الشراء : -

- موبيل N82 كوري الصنع
- سماعات اذن مجسمه
- كيبل USB لشحن الموبيل ذو راس شحن ( فيشة ) حيث بيستخدم عند توصيل كبل USB براس الفيشة الكهربية في شحن الموبيل كهربيا اما اذا تم استخدام الكبل USB فقط بيتم توصيله خلف الكمبيوتر لنقل الملفات الي الموبيل ككبل داتا يعني باختصار الكبل مزوج للشحن ولنقل الداتا كمان
- 2 بطارية بوليمر ( واحده موصلة بالجهاز والاخري هدية اضافية )

رابعا : ميزات الموبيل : -

- عملي في الشغل عليه يعني بيستحمل اي ضغط عليه بخلاف الموبيلات الصيني المزعجة باعطالها
- صوته نقي وعالي بيدعم ملفات MP3 و MP4
- بسيط في التعامل معاه يعني مش مزحوم بالقوائم وما شبه ذلك
- بلوتوث سريع وممتاز
- صوت نقي عند إجرء المكالمات عليه يعين لا فيه تشويش ولا صدي ولا كلام من ده خالص وعن تجربة
- سهولة نقل الملفات عليه ولا يحتاج الي تعريفات او برامج ملحقة بنسخة الويندوز تبعك
- شكله انيق وجزاب كمان
- شاشته كويسة وباللمس كمان
- حجمه صغير اذا قورن بالموبيلات الصيني الا عامله زي الاتوبيسات
- وزنه خفيف ايضا
- كاميراته كويسة اذا ما قورنت بالموبيل الصيني الا كاميراته *****
- تصوير موبيل فيديو مفتوح حسب حجم الرامة عندك يعني لو لو عندك كارت ميموري 1جيجا هيقعد يصور لغايط ما يوصلوا له يعين مش محدود او مدة معينة
- شاشته عريضة تكاد تشبه شاشة Nokia N82 في الشكل وليس في الاداء طبعا
- جميل من حيث الشكل الداخل للنظام شكله شيك يعني من جوا
- له العاب كتير ويدعم العاب الموبيل الصيني ذات الامتداد nes
طبعا دي المواصفات الا انا قدرت اعثر عليها واغلبها عن تجربه خاصة
- تقدر تدخل علي النت من عليه ( لم اجرب تلك الميزه للامانه )
- سرعة نقل الملفات عليه كانه فلاشة USB
- ممكن تشغل كاميرا الموبيل كاكميرا ويب (لم اجربها بعد ولكنها موجودة )

خامسا : عيوب الموبيل : -

طبعا العيوب ليس في الصنع وما الي ذلك ولكن اقصد العيوب من حيث التجهيزات للعده او النواقص اما العيوب الهارد وير وكده فلم تصادفني اي عيوب بخصوصه بخلاف الموبيل الصيني الا غرقان من كتر العيوب سواء تصنيع او غيره

- طبعا ما تقدرش تشغل اغاني عليه وتشغل حاجة اخري تاني زي مثلا تروح تلعب العاب
- ما تقدرش تعمل لسته بالاغاني في البرنامج الافتراضي لا مع العده الا لو نقلت الاغاني علي فلاشة الموبيل وبعدين تعمل لسته بيهم يعني لو عندك اغاني علي الكارت الميموري وعاوز تشغلها في البرنامج البلير الا مع العده ويمشوا بالتسلسل زي برنامج الوين امب كده مش هينفع لازم تنقل الاغاني دي علي الميموري للعده وبعدين البرنامج هيتيح لك عمل لسه بما تشاء ودي يعتبر من اكتر العيوب الا بتخنقني منه مش عارف هل هيتم حلها بايجاد برنامج بلاير خارجي للعده ام لا ( لم يتم العثور علي برنامج له حتي الان )
- ما فهوش راديو ولا تليفزيون
- ما لهوش دعم من حيث الصيانة او التطبيقات او غيره ( يعني لم اجد حاجة عنه من خلال بحثي علي النت ) بس اكيد له برامج لان في فولدر للبرامج بداخله بس ايه هيا البرامج دي او شكله ايه او ضيغته اي او او لا اعرف وبصراحة تعبت من كتر السوال عليهم
-بيدعم العاب الموبيل الصيني الا بامتداد nes ولا يدعم العاب الجافا ذات الامتداد jar
- لا يدعم اتصال الانفرا و GPR
- مكان كارت الميموري اسفل البطارية يعني عشان تشيل الكارت يبقا لازم تفصل الموبيل عشان تشيل البطارية الا وراها الكارت الميموري
- بيحتاج انك تفضل الموبيل عشان تقدر تنقل عليه البيانات
- لا اعرف برامج للتعامل معه سواء في نقل دفتر المتصلين والرسائل وبرامج الاسلامية كخاشع والاذان وغيره مش عارف اجبها منين وبصراحة تعبت من البحث

سادسا : كيفية التعامل مع الموبيل لنقل الداتا عليه : -

- طبعا زي ما قلنا الموبيلما بيحتجش اي سوفت وير في الويندوز عندك عشان يتعرف هو بيعرف نفسه بنفسه كل الا عليك انك تقففل الموبيل بتاعك من ذر البور الا لونه احمر في لوحة المفاتيخ ( تستمر في الضغط الا ان يتم غلق الموبيل ) وبعدين توصل الموبيل وهو مغلق بكابل USB وتوصل الكابل بالكمبيوتر بتاعك وهو هيتعرف اوتوماتيك من غير اي تعريفات زيادة ولو نسخة الويندوز طلبت منك لسي دي الخاصة بنسخة الويندوز اكس بي مثلا تقدر تكنسل الرسالة دي دا ان ظهرت لك وفي الاغلب لا تظهر الا ف يالنسخ الملعوب فيها وما بتكنش كاملة بس في االاغلب الموبيل بيشتغل من غير تعريفات او شي
- بعدها الموبيل هتلاقيه اتقسم الي 2 بارتيشن زي بتوع USB كده واحد حجمه صغير لا يتعدي 37 ميجا وده خاص بالنظام بتاع العده ما ترفعش عليه غير الالعاب فقط ممكن ترفع عليه اغاني وافلام بس لا يستحب فعل ذلك لان المساحة اصلا صغيرة ومش هتستهلك اكمتر من كام اغنية فلا تستخدمه في ذلك ولكن يتم رفع عليه الالعاب فقط والبرامج ( اذا تم العثور عليها اصلا )

- الدريف الاخر ده لو في كارت ميموري في العده بيظهر ما فيش ما بيظهرش ويفضل وجود كارت ميمور اضافي مع العده علي الاقل 1 جيجا ودلوقتي الجيجا رخيض لا يتعدي 25 جنيه مصري فا مش خسارة تجيب واحد بالمره الا هيخليك تدفع 450 جنيه مش هتيجي علي الزيادة دي يعني
- طبعا الالعاب لازم تكون بالامتداد nes اي امتداد العاب الموبيل الصيني وهي العاب مش واحشه كويسه وكمان مسلية واغلبها العاب اتاري ( ماريو - كنتر - سلاحف - بمبر مان ) ووغيره من العاب الاتاري المعروفة وبيتم رفع الالعاب علي الدريف الخاص بالموبيل وليس الكارت وبيتم وضعه في الفولدر Games دون تسطيب وبتعمل علي العده بمجرد فتحك للعبة يعني مش هتحتاج انك تسطب اي حاجة بمجرد نسخك للالعاب في البارتيشن واعادة تشغيل العده هتلقيها علي العدة
- وبتنقل بياناتك علي العده عادي اكنك بتنسخ من فولدر للاخر وكلا حسب نوعه طبعا

سابعا: اسماء الفولدرات والملفات التي تتم وضع فيها الداتا للموبيل : -

اسماء الفولدرات والملفات التي تتم وضع فيها الداتا للموبيل كما يلي :

بالنسبة لدريف العده UDISK : ( لا ينصح بوضع اي داتا فيه بخلاف الالعاب لان المساحة محدودة )

- فولدر EBook : لوضع الكتب الالكترونية بس نوع الكتب ايه لا اعرف وجربت عليها ملفات PDF ولكن لم تعمل
- فولدر Movie : بيتم وضع فيه ملفات الميديا وتم تجربت عليه الانواع AVI و WMV غير كده لم اجرب
- فولدر Music : لوضع الاغاني فيه وتم تجربه صيغ MP3 و MP4 غير ذلك لم اجرب
- فولدر Record : لوضع فيه ملفات الوصت الا تم تسجيلها Recorder
- فولدر Games : للالعاب من النوع nes ( وتم التجربة بنجاح )
- فولدر mrapp : خاص بالتطبيقات ( البرامج يعني بس ايه نوع البرامج الا بيدعمها هل هي sis مثل النوكيا والا ايه لا اعرف بصراحة وتعبت من البحث عشان الاقي معلومة وللاسف مش لاقي .
- فولدر Picture : وهو خاص بالصور bmp او Jpeg

- اما بخصوص فولدرات كارت الميموري فهي مثل السابقة تمام مع عدم وجود فولدر التطبيقات mrapp



ثامنا: كيفية تشغيل الالعاب علي هذا الموبيل :-

بعد ما بتنقل الالعاب الا بصيغة nes في فولدر Games في دريف الموبيل الا حجمه 37 ميجا قريبا وبتعمل استارت للعده بتروح علي التالي :

- بتروح علي القائمة menu ومن ثم بتختر ايقونة Multimedia وبعدين تختار Game ثم Simulator Games ثم List وبعدييها بتضغط علي اللعبة الا انتا عايز تلعبها من غير تسطيب ولا وجع دماغ



ختاما اتمني الموضوع ساعد وافاد ناس كتير حيرانه لهذا النوع من الموبيلات وانا منهم طبعا ولا ابغي غير دعوة صادقة لي بظهر الغيب والصلاح في الدنيا والاخره

- وبكرر انا ليس فني موبيلات او بروج لنوع من الموبيلات وعاوزكوا تشتروه ولا حاجة من دي خالص انا انسان عادي جدا دخت عشان الاقي معلومات عن العده دي وللاسف نادر لما الاقي حاجة مش عارف هل لان الناس مش عارفه والا الفنيين بيخفوا المعلومات عشان يستفيدوا ماديا الله اعلي واعلم بنفوس البشر علي العموم اغلب المعلومات دي هي معلومات ناتجه من التجربة الشخصية وليس نقلا عن احد لاني مش لاقي مصدر معلومات اجيب منه معلومات اصلا

- وطبعا من راي الشخصي جدا العده كويسه من الناحية المادية يعني الفلوس الا هتدفعها فيها مش هتروح هدر بخلاف انها شيك وكمان اخف واحلي من العدد الصيمي المعفنة سوري في اللفظ يعني لو عايز عده شيك وكمان رخيصة في متناول دخلك بعيد عن احتكار نوكيا في اسعارها يبقا العده وكمان لو عندك ابن او ابنه وعاوز تهديهم عده موبيل رخيضة وكمان شكلها كميل وشيك يبقا العده دي هي مطلبك يعني باختصار تنفع تتمنظر بيها من حيث شكلها وصوت الاغاني عليها وشكل قوائم السوفق بتعها و هتكون كويسة كمان تقدر تشغلها ام بي ثري لان صوتها نقي جدا وعالي برده وبيبقا مجسم في حالة استخدامك لسماعات الاذن وكمان عده عمليه يعني لو حصل ليها حاجة مش هتزعل علي فلوسك وكمان العده شكلها من الداخال من حيث القوائم وما غيره والايقونات جميله جدا ومجسمه

- طبعا العده دي لو فيها راديو وكان ليها برامج او غيره كانت هتبقا متازة جدا من حيث السعر والاماكنيات

- اما لو انتا بقا واحد عاوز عده توب فا ما انصحكش بيها لان امكانيتها مش هترضي غرور سيادتك وانصحك بي Nokia N95 او HTC او الكفي بقا ما اعتقدش فيه حاجة غير كده في نفس الطراز

- وطبعا يا ريت الا يلاقي برامج او يعرف معلوماتا عن النوع المنقرض هذا يا ريت يعمل بيه مواضيع ولو معلومة واحده تكفي دا كفاية الثواب الا هيخده لما ينشر المعلومة دي للناس الا بجد محتاجنها في ظل الجهل المصري للموبيلات واحتكار المعلومات علي اصحاب الخبرة والفنيين للاستعمال المادي دا غير كده ان مروجي العدد دلوقتي بقوا تجار يعني بيتشري وبيبيع وخلاص وهو اصلا ما بيفهمش حاجة في العده ولا حتا يعرف ليها برامج والا لق كل الا يعرفه الا مكتوب علي الكارتونة بتاعة العده وخلاص غير كده ما يعرفش للاسف


وده موضوع لاحد الاخوة في المنتدي جزاه الله كل خير فيه العاب خاصة بالموبيل الصيني تقدر تنزله وتستخدمه لهذا النوع من الموبيل وهتشتغل وعن تجربة ان شاء الله

التحميل

n82-mobile-psoft.yoo7.com.rar - 12.3 MB

والسلام خير ختام - تحياتي للجميع واسف علي الاطالة